Klubi i Osijekut ka përjashtuar nga skuadra futbollistin Petar Bockaj pas skandalit në një pikë karburanti. 22-vjeçari ishte duke drejtuar makinën në gjendje të dehur, duke shkaktuar një katrahurë të vërtet në një pikë karburanti.
Pas këtij vendimi, gjërat do të bëhen më të thjeshta për futbollistin shqiptar Kristan Abazaj, pasi kujtojmë që Bockaj aktivizohej si sulmues krahu te Osijeku dhe ishte “rivali” i tropojanit në skuadër.
Në orën 17:30, Osijeku do të përballet me Slaven Belupon në takimin e vlefshëm për kampionatin kroat. Futbollisti i Kombëtares pritet ta nisë si titullar këtë sfidë.
