Pas fitores 1-2 në transfertë ndaj Napolit, Juventus, kryesues absolut në Seria A në kuotën e 72 pikëve, me 16 pikë superioritet ndaj napoletanëve ndjekësit më të afërt, ka vendosur një rekord historik.
Juventus, ekipi i vetëm në 5 kampionatet elitare të Europës që ende nuk kanë njohur disfatë në këtë sezon, tashmë numëron plot 26 ndeshje radhazi në transfertë pa pësuar humbje, duke vendosur rekordin e pamposhtmërisë në Seria A.
