Trajneri i Juventusit, Massimiliano Allegri, ka folur për mikrofonat e “Sky Sport” pas fitores 2-1 ndaj Napolit.
“Në pjesën e parë ishim mirë, në të dytën jo. Pas dy golave të shënuar u duk sikur na zuri gjumi. Duhet të isha unë ai që duhet të kishte nxjerrë Pjanic nga loja pas kartonit të parë të verdhë”, tha tekniku i bardhezinjve.
Më tej Allegri thekson: “Pas kartonit të kuq të Meret u çorientuam disi. Mendoj se i kuqi ishte i drejtë, arbitri e ka bërë mirë detyrën e tij. Kur mbetëm 10 kundër 10 vuajtëm. Ky ishte një hap i rëndësishëm drejt titullit kampion. Për të ardhmen time duhet të flisni me presidentin, unë jam shumë i lumtur të qëndroj këtu”.
