Robert Lewandowski dhe Kingsley Coman janë përfshirë në një përleshje me njëri tjetrin në stërvitjen e Bayern Munichut.
Bild raporton se sulmuesi polak dhe anësori francez u përleshen me grushte në një seancë stërvitore të mbyllur për mediat.
Sipas gazetës gjermane, Lewandowski dhe Coman shkëmbyen fjalë para se të fillonin përleshjen me grushta, e cila u ndërpre falë reagimit të shpejtë të bashkëlojtarëve të tyre.
Bild shkruan se ata e goditen njëri-tjetrin në fytyrë.
Mbrojtësit Niklas Sule dhe Jerome Boateng kanë reaguar duke i ndarë ata, edhe pse edhe atyre i është dashur ndihmë për ta ndërprerë përleshjen.
