Aktivizimi i Patrik Cutrone ishte lëvizja e dëshpëruar e Genaro Gattusos për të shkundur Milanin në transfertën torineze.
Cutrone zbriti në fushë me dëshirën e zakonshme, por nuk mundi të ndryshojë fatin e një ekipi tashmë të dorëzuar.
Duke folur për mediat, sulmuesi kuqezi u mundua të shpjegojë momentin e skuadrës dhe nuk ngurron të japë receta për të shpëtuar atë që mbetet nga ky fundsezoni për “Djallin”.
Po na ecën gjithçka keq, çdo episod e kemi kundër. Vërtet është një moment shumë negativ, megjithatë duhet të besojmë ende për sa kohë matematika na mban në garë për vendin e katërt. Nuk duhet të heqim dorë nga misioni ynë, sepse gjithë djersa e derdhur deri më sot do të shkonte dëm dhe diçka e tillë do të ishte vërtet mëkat”, deklaroi Cutrone.
