Antonio Conte është zyrtarisht trajner i Interit, teksa mëngjesin e sotëm ka firmosur kontratën që do ta mbajë për 3 sezonet e ardhshme të lidhur me klubin zikaltër.
“Fillon një kapitull i ri në jetën time, jam entuziast”, ishin fjalët e para të Contes si trajner i Interit.
“Do të përpiqem të kthej me punë të gjithë besimin që presidenti dhe menaxherët kanë vendosur tek unë. Zgjodha Interin për kompaninë, për seriozitetin dhe ambicien e projektit, për historinë e tyre. Më goditi qartësia e klubit dhe dëshira për të kthyer Interin aty ku e meriton”, deklaroi ish-tekniku i Italisë, Juventusit dhe Chelseat.
