Ish-futbollisti i Kombëtares, Shkëlqim Muça ka thënë se Islanda nuk është nga ato kundërshtarë që të frikëson, megjithatë sipas tij mbeten një ekip i cili është i organizuar.
Në një intervistë në studion e RTSH-së, Muça tha se skuadra e Islandës është e rrezikshme në goditjet standarde.
“Një trajner kur merr skuadrën ka objektivat e veta sepse në ndeshjet zyrtare duket skuadra. Gjithmonë një trajner do ta filloja sa më mirë, mundësitë janë. Skuadra përballë nuk të frikëson, shpresoj të kemi rezultat pozitiv.
Nuk është i frikshëm por është e organizuar me disiplinë taktike dhe me goditje standarde janë të vështira. Prandaj kemi hasur vështirësi, nuk na kanë mundur vetëm me Kombëtaren por edhe me klubet”, tha Muça.
