Liga e Kombeve do të vazhdojë edhe sot me dy ndeshjet e radhës, atë për pozitën e tretë dhe atë finale.
Në Ligën A të Ligës së Kombeve, për pozitën e tretë do të luftojnë kombëtarja e Anglisë dhe ajo e Zvicrës.
Zvicra u mposht nga ‘magjia’ e Cristiano Ronaldos, kurse Anglia u mund nga ‘tulipanët’ e Ronald Koeman.
Por, statistikat e dy kombëtareve që garojnë për pozitën e tretë na lënë të besojmë se do të ketë një ndeshje spektakolare mes tyre.
Zvicra ka dështuar të shënoj gol në vetëm tri prej 24 ndeshjeve të tyre të fundit.
Anglia në anën tjetër qëndron e pamposhtur në 10 ndeshjet e fundit kundër Zvicrës (7 fitore, 3 barazime).
Ndeshja mes dy kombëtareve do të luhet në Portugali, sot, me fillim nga ora 15:00.
