Përballja mes skuadrave rumune Universitad Cluj dhe Hermansatdt, rrezikoi të kthehej në një tragjedi.
Ndeshja e vlefshme për “Play Out”, ishte 0-2 në favor të miqve dhe kjo bëri që tifozët vendas të Universitad Cluj të shpërthejnë, duke u munduar t’ia nxjerrin gjithë mllefin e tyre policit në stadium.
Ata e kanë goditur policin në kokë me një mjet të fortë, duke i shkaktuar atij edhe çarje dhe për pasojë, ka humbur shumë gjak duke rrezikuar edhe jetën.
Polici është shoqëruar menjëherë në spital ku ka marrë edhe ndihmën e parë, dhe fatmirësisht ndodhet jashtë rrezikut për jetën.
Policia rumune ka nisur hetimet për identifikimin e autorëve që kryen këtë akt vandal.
