Napoli ka bërë një tentativë të “çmendur” për të transferuar Mauro Icardin.
“Corriere dello Sport” ka hapur faqen e sotme me titullin “bombastik”: Icardi-Napoli, një vend në diell”.Sipas të përditshmes italiane, klubi napolitan ka ndërhyrje në bisedimet mes Interit dhe Juventusit për blerjen e sulmuesit argjentinas.
Është zbuluar se presidenti De Laurentiis i ka propozuar Icardit një rrogë të majme 10 milionë euro në sezon, thuajse dyfishin e pagës që përfiton sot tek Interi, por ofertën për klubin zikaltër do të bëjnë vetëm në gusht.
Për të bindur drejtuesit e Interit, Napoli ofron si opsione kartonët e disa futbollistëve, ndër të cilët edhe Elseid Hysajn së bashku me një çek me disa miliona euro.
