Skënderbeu nuk e ka nisur zyrtarisht merkaton, e megjithatë qëkur mbaroi sezoni emrat që kanë dalë në skenë kanë qenë të shumtë. Ka pasur pista si ajo e Lilajt, Roxherit apo Aleksit që kanë dështuar, por ka të tjerë që janë ende të arritshëm.
Në krye të listës së dëshirave mbetet Andi Lila, që mund të jetë një “dhuratë” për tifozët nëse fitojnë pafajësinë në KAS. Për sulmin preferohet Majkëll Ngo.
Më herët kanë qenë në plane Behar Ramadani i Luftëtarit dhe Lukman Husein i Kastriotit. Gjithsesi, pas 12 korrikut do të marrë jetë gjithçka. Sapo të vijë vendimi nga Lozana, do të zbulohen edhe afrimet e para.
