Largimi i Robenit dhe Riberisë nga Bajerni, jo vetëm që dha fund një epoke të shkëlqyer bavarezëve, por u hapi punë të madhe për t’i zëvendësuar lojtarët.
Klubi është duke vëzhguar shumë lojtarë, duke filluar nga Sane, Dembele etj. Siç raporton “Kicker”, bavarezët tashmë kanë kthyer sytë nga Seria A dhe nga Roma. Xhengiz Under intrigon Bajernin dhe ata po bëjnë sondazhet e para.
Turku sezon që lamë pas ka pasur disa probleme fizike dhe në 19 ndeshje shënoi 6 gola. Ai ka një kontratë deri në vitin 2022 me Romën, por ekipi kryeqytetas është mësuar t’i shesë lojtarët shumë lehtësisht.
Mbetet për t’u parë se cilat do të jenë lëvizjet e Bajernit për sa i pëkret krahëve të sulmit dhe interesit me Xhengiz Underin.
