Dani Alvesh është një nga emrat më të kërkuar në këtë merkato, pasi nuk rinovoi me PSG-në dhe tani është një lojtar i lirë.
Për mbrojtësin interes të madh kanë shfaqur shumë skuadra si Interi, Mançester Siti, Totenhemi, apo së fundmi edhe Arsenali. Unai Emeri e pëlqen shumë lojtarin dhe do të mundohet ta bindë që ai të kalojë tek Arsenali.
Sipas asaj që shkruan “The Sun”, lojtari është pranë “topçinjve”, por problem është paga e lartë e lojtarit, i cili kërkon 200 mijë euro në javë.
Edhe Mançester Siti e pëlqen lojtarin, por nuk po nxitojnë për të arritur një marrëveshje për shkak se në fillim duhet të largohet Danilo, i cili ndodhet në grumbullim me skuadrën, për përgatitjet parasezonale.
