Basketball Sport Të tjera

“EUROBASKET 2021″/ Kombëtarja nis grumbullimin për raundin e tretë eliminator

Kombëtarja e meshkujve në basketboll ka nisur përgatitjen për raundin e tretë eliminator të Kampionatit Europian, “Eurobasket 2021”. Kuqezinjtë e drejtuar nga trajneri Afrim Bilali po kryejnë fazën përgatitore në mjediset e Akademisë “Dhimitraq Goga”, në Durrës.

Shqipëria, pasi dështoi në raundin e parë, ku u mund në të katërta ndeshjet që luajti ndaj Danimarkës dhe Armenisë, ka ende edhe një shans për të tentuar surprizën. Sipas shortit, Kombëtarja shqiptare e koshit është pozicionuar në Grupin E të raundit të tretë, ku do të luajë ndaj Bjellorusisë dhe sërish ndaj Danimarkës.

Nga ndeshja Shqiperi-Armeni

Ndeshjet e raundit të tretë do të luhen në gusht të këtij viti. Takimi i parë do të luhet në Tiranë më 3 gusht dhe më pas do të vijnë dy takime jashtë: Më 10 gusht në Danimarkë dhe 14 gusht në Bjellorusi. Sfida e fundit është ndaj bjellorusëve në Tiranë, më 21 gusht. Skuadra e renditur e para në grup avancon më tej.

Trajneri Bilali ka nisur nga puna me lojtarët e seleksionuar prej tij, ndërkohë që stërvitja do të vijojë përgjatë 3 javëve në vijim deri në takimin e parë. Shqipëria dështoi në raundin e parë eliminator, kur drejtohej nga greku Antonios Doukas.

Related posts

E PAZAKONTË/ Kritikoi shtetin, Kina ndalon transmetimin e ndeshjes së Arsenalit për shkak të…

Delo.autor

PËSON INFARKT…/ Ky është momenti kur trajneri ndjehet keq në pankinë

bora.autor

Begeja: Skuadra bëri çdo gjë mirë, jetojmë me llogari

Sadik.Autor

Leave a Comment