Futbollisti i Tiranës, Edon Hasani është pezulluar nga klubi pas incidentit me Torasën gjatë stërvitjes në Ohër.
Përplasja ka qenë e fortë, madje janë ngritur edhe duart (thonë burimet), aq sa janë futur për t’i ndarë lojtarët e tjerë të skuadrës dhe stafi teknik. Mësohet se shkodrani ka debatuar edhe me trajnerin Mema, kësisoj drejtuesit bardheblu kanë vendosur ta pezullojnë golashënuesin e sezonit të kaluar.
Mësohet se Hasani ka komunikuar me drejtuesit që pas këtij incidenti dhe ka kërkuar që të largohet nga grumbullimi në Ohër. Mesfushori ka kërkuar që drejtuesit t’i prishin kontratën dhe ai të largohet, pasi e ka të pamundur të vazhdojë të qëndrojë në ekip pas asaj që ndodhi një ditë më parë.
