Tashmë mund të quhet gjithçka e kryer. Raxha Naingolan do të largohet nga Interi, për t’u rikthyer tek Kaljari.
Zyrtarizimi ende nuk ka ardhur, por mediat italiane raportojnë se palët kanë gjetur gjuhën e përbashkët, për kalimin e belgut në Sardenjë. Formula do të jetë huazim për një vit nga Interi drejt Kaljarit.
Naingolan pritet të shkojë nesër drejt Kaljarit, dhe më pas për të kryer vizitat mjekësore. Kjo do të jetë aventura e dytë e mesfushorit 31-vjeçar tek Kaljari. Ai u transferua fillimisht në vitin 2010, prej Piaçenzës, për të qëndruar aty deri në janarin e vitit 2014, kur më pas kaloi tek Roma.
