Nicolas Pepe, blerja 80 milionë euro e Arsenal, ka folur për kanalin zyrtar të klubit të tij të ri dhe ka shpjeguar arsyen pse zgjodhi të pranonte ofertën e “Topçinjve”.
“Është me të vërtetë emocionuese për mua të jem këtu, sepse nuk ka qenë e lehtë. Kam bërë një rrugë të gjatë, kam luftuar shumë për të nënshkruar me një klub të madh. Është një shpërblim i madh”, ka thënë Pepe.
“Kam zgjedhur Arsenal-in i shtyrë nga familja ime dhe nga menaxherët e mi, kemi folur gjatë për këtë zgjedhje. Isha në Kupën e Afrikës, kemi folur shumë përpara dhe më mbrapa. Ishte e rëndësishme të merrja vendimin e duhur dhe jam i bindur se Arsenal është zgjedhja e duhur”.
