Ditën e djeshme luhej ndeshja midis Always Ready dhe Bolivarit.
Por në këtë takim arbitri bolivian, Raul Orosko ka bërë një veprim që më pas ka bërë xhiron e botës.
Në minutën e 95-të, skuadra vendase pretendoi për një penallti në zonën e Bolivarit, teksa po humbiste sfidën 0-1. Pas shumë protestave, gjyqtari Orosko doli nga fusha për t’u konsultuar me kolegët e tij, dhe kur u kthye në fushë, bëri shenjën e VAR-it, dhe akordoi penallti për vendasit.
Por, çudia qëndron se në kampionatin e Bolivisë, VAR-i nuk është ende në përdorim, për të parë këto situata të dyshimta, janë vetëm arbitrat që vendosin.
Për rreth 10 minuta, lojtarët e Bolivarit po protestonin, pikërisht për këtë veprim të arbitrit, por ky i fundit ishte i bindur në vendimin e tij. Gjithsesi, penalltia u krye vetëm në minutën e 107-të, dhe topi përfundoi në shtyllë, duke mos arritur ta shndërrojnë në gol.
