Ëndrra për të fituar Ligën e Kampionëve, i ka bërë drejtuesit e Juventusit që të bëjnë një merkato më të shfrenuar duke aftruar futbollistë me paga faraonike. Megjithatë merkatoja nuk ka përfunduar ende dhe deri në fund, pritet që të ketë edhe të tjera lëvizje si në hyrje, ashtu edhe në dalje.
Mario Manxhukiç pritet të jetë largimi i radhës nga bardhezinjtë duke qenë se sulmuesi kroat nuk shihet më si prioritet në Torino. Ardhja e Higuain e ka mbipopulluar sulmin e Juventusit dhe tashmë po mendohet vetëm që të bëhen largime.
“Gazzetta dello Sport” raporton se për sulmuesin kroat po mendohet një kalim në Bundesligë, ndërkohë që shton se nuk do të jetë pjesë e listës së Juventusit për në Ligën e Kampionëve. Kjo lënie jashtë, është një sinjal i qartë që Juventusi nuk e llogarit në plane sulmuesin dhe tashmë, pritet vetëm skuadra e re.
