Myrto Uzuni zhbllokohet pas 5 javësh kampionat. Sulmuesi shqiptar ishte deciziv për skuadrën e tij, Lokomotiva e Zagrebit në barazimin 1-1 në transfertën e Varazdin.
Beratasi u fut si zëvendësues në pjesën e dytë, por iu deshën vetëm pak minuta për të gjetur fundin e rrjetës. Pasi i mori vendin shqiptarit tjetër te Lokomotiva, Çokajt, Uzuni goditi saktë me kokë dhe më pas, festë me shqiponjën dy krenare.
Ky ishte goli i parë për këtë sezon për 24 vjeçarin, i cili luan sezonin e tij të dytë në Kroaci. Ish-sulmuesi i Apolonisë e Tomorit u transferua te Lokomotiva nga Laçi në verën e vitit 2018.
Sezonin e shkuar, Uzuni shënoi 7 gola në 29 takime, ndërsa së fundmi, emri i tij është lakuar në Spanjë te Mallorca. Burime për “RTV Ora”, pohojnë se drejtues të Mallorca kanë kontaktuar me Uzunin, i cili ka afat deri më 2 shtator për të ndryshuar ambient.
