Juventus ka nevojë të shesë futbollistë para mbylljes së merkatos verore.
Trajneri Maurizio Sarri ka pranuar se me numrin aktual që ka në dispozicion, gjashtë futbollistë rrezikojnë të mbeten jashtë skuadrës për Ligën e Kampionëve.
Prandaj, drejtuesit e “Bianconerëve” janë duke analizuar ofertat për disa prej emrave më të përfolur për largimin e mundshëm.
Mediat italiane raportojnë se në ditët e fundit qarkullon një emër i papritur për largim nga Torino.
Bëhet fjalë për mesfushorin Emre Can i cili ishte lojtar i rëndësishëm me Massimiliano Allegrin.
Mirëpo, ai duket se nuk konsiderohet i tillë nga trajneri i ri Sarri dhe mund të gjejë një ekip të ri në javët e fundit të këtij afati kalimtar të verës.
Can vlerësohet nga ekipi juventin plot 30 milion euro.
