Kosova gjendet e dyta në Grupin A kualifikues për Europianin 2020, pas Anglisë, dhe ditën e nesërme, do të ndeshet për herë të parë pikërisht me “Tre Luanët”.
Por, edhe pse në grup luan vendi i parë me vendin e dytë, janë kompanitë e basteve më të mëdha në Europië, që nuk i lënë aspak shpresa Kosovës, për një rezultat pozitiv në transfertë.
Në shumicën e kompanive, fitorja e Anglisë kuotohet shumë ulët, me koeficientin 1.05, maksimumi deri në 1.1.
Ndërkohë barazimit i jepet koeficienti maksimal 15.00, ndërsa fitorja e Kosovës duket si diçka e pamundur, teksa kuotohet me 25, 30, apo edhe deri në koeficientin 41.
