Mbrojtësi i Juventusi, Alex Sandro është kthyer shumë pas në kohë duke bërë një rrëfim të sinqertë për vështirësitë në fëmijëri dhe pamundësinë ekonomike.
Braziliani vjen nga një familje e varfër dhe gjatë rrëfimit thotë se familja e tij nuk kishte mjaftueshëm të ardhura për të rregulluar fasadën e shtëpisë.
Alex Sandro tregon se në moshën 15-vjeçare merrte një rrogë 100 dollarë në muaj dhe gjysmën e saj e kursente për të ndihmuar prindërit që vuanin nga kushtet e vështira ekonomike.
Megjithatë, për të mbërritur deri këtu, Alex Sandro i është dashur të “luftojë” fort.
“Kur u bashkova me ekipin e të rinjve të Atletico Paranaense, në moshën 15 vjeç, fitoja vetëm 100 dollarë në muaj. Sidoqoftë, klubi më ofroi gjithçka: strehim, ushqim dhe shkollë.
Harxhoja 50 dollarë nga ato para dhe e ruaja pjesën tjetër. Fitorja ime e parë e madhe, falë futbollit, ishte kur ruaja 300 dollarë dhe ua jepja prindërve, që i përdorën për të rregulluar fasadën e shtëpisë sonë. Nuk mund të blija asgjë për veten, në ato momente duhej të ndihmoja familjen time”.
Edhe sot, Aleks Sandro mendon për atë periudhë, duke u ndier disi në faj për jetën e rehatshme aktuale: “Shumë herë dal me familjen time dhe harxhoj 300, ose 400 euro. Pastaj pyes veten se sa realitete braziliane do të prekja me shpenzimin e kaq shumë parave në vetëm një natë” e mbyll rrëfimin ai.
