Inter ka fituar 1-0 ndaj Udinese, duke marrë tre pikë tepër të rëndësishme, por pa shkëlqimin e duhur, duke qenë se skuadra mike luajti me 10 lojtarë që nga minuta e 35-të.
Antonio Candreva pati një përplasje me Rodrigo de Paul, ky i fundit e goditi me shuplakë dhe VAR e ndëshkoi me karton të kuq.
Në minutën 44’ Stefano Sensi do të shënonte golin e vetëm të kësaj sfide, pas një harkimi perfekt të Diego Godin.
Skuadra e drejtuar nga Antonio Conte tentoi të gjente golin e qetësisë, por pa sukses dhe me goditje të gabuara nga jashtë zone, duke mos prodhuar lojë me intensitet, duke shfrytëzuar superioritetin numerik.
Në këtë ndeshje debutoi edhe Alexis Sanchez, i cili pati një mundësi të mirë për të shënuar, por u ndal nga portieri. Ndërkohë që Politano ka marrë një frakturë në dorë, që nuk dihet se në çfarë shkalle është.
