Në Katalunjë vazhdojnë protestat e separatistëve, ndërsa me kalimin e ditëve shtohen edhe pikëpyetjet mbi zhvillimin e El Classicos së 26 tetorit, mes Barcelonës dhe Realit të Madridit, planifikuar për në stadiumin “Camp Nou”.
Fillimisht Liga hodhi idenë që sfida të luhej në Madrid, pra të bëhej një përmbysje e radhës së ndeshjeve, por ky opsion u hodh poshtë nga klubi katalan, që u shfaq kundër ndryshimit të stadiumit për takimin.
Megjithatë drejtuesit e Barcelonës u treguan të hapur për të marrë në konsideratë një shtyrje të ndeshjes për më datën 18 Dhjetor, por gjithmonë pa ndryshuar stadiumin, që do të vijojë të mbetet “Camp Nou”.
