Granit Xhaka është një nga lojtarët më të përfolur në Angli, për shkak të episodeve që ndodhën gjatë zëvendësimit të tij në ndeshjen ndaj Kristal Palasit.
Në drejtim të shqiptarit gjatë zëvendësimit kishte fishkëllima të shumta nga tifozët, me lojtarin që nuk u përmbajt, por me ironi iu bëri më shenjë atyre të fishkëllejnë akoma më shumë, duke u larguar menjëherë në drejtim të dhomave të zhveshjes.
Trajneri Emeri u shpreh i pakënaqur për këtë gjest të futbollistit, për të cilin tha se do të merren masa. Pikërisht masa e parë ka ardhur ditën e sotme, teksa trajneri Emeri ka vendosur që ta leje jashtë listës me lojtarët e ftuar për ndeshjen ndaj Liverpulit ditën e nesërme, për 1/8 e Kupës.
Kjo është vetëm masa e parë në drejtim të Xhakës, i cili tani rrezikon të humbë edhe shiritin e kapitenit, i cili iu besua vetëm pak kohë më parë.
