Pedro Rodrigez duket se do të largohet nga Çelsi në merkaton e janarit. Frenk Lampard po i jep shumë rëndësi lojtarëve të rinj dhe spanjolli nuk po gjen më hapësira në te londinezët.
Siç raporton “The Sun”, klubi turk i Fenerbahçes është gati ta rrëmbejë lojtarin, të cilit i skadon kontrata në verën e ardhshme.
Çelsi nuk do të dëshironte ta humbiste lojtarin me parametra zero dhe mund të pranonte ofertën e turqve, sado e vogël që të jetë.
Kujtojmë që Pedro ka luajtur për shumë vite me Barcelonën dhe është një lojtar jo me pak eksperiencë në arenën europiane. Ndërkaq emri i tij ishte dëgjuar edhe për Interin e Milanin në merkaton e verës, por Çelsi nuk rrezikoi duke larguar një lojtar si Pedro.
