Mohamed Salah mbrëmjen e nesërme do të luaj finalen e parë të Champions League me skuadrën e Liverpool kundër Real Madrid. Në një prononcim për “UEFA.com”, egjiptiani tregon arsyen përse u largua nga skuadra e Romës.
“Kam kaluar dy vite në Romë dhe të gjithë më thoshin të qendroja, por unë doja të largohesha dhe të shkoja në Angli për të patur suksese atje”. Gjithashtu 25 vjeçari tregon për lojtarët e tij të preferuar në futboll. “Totti, braziliani Ronaldo dhe Zidane, këta janë tre lojtarët që kanë qenë të preferuarit e mi”, ka përfunduar sulmuesi.
