Reali i Madridit edhe pse ka dy qendërmbrojtës të klasit botëror në përbërje, si Varan dhe Serxhio Ramos, kërkon që të sjellë në skuadër yllin e Napolit Kalidu Kulibali.
Siç raporton “El Desmarque”, Reali është gati të vendosë në pjaten e Napolit, kartonin e Luka Modriçit për të bindur De Laurentisin, që të lërë të lirë senegalezin.
Padyshim që presidenti i Napolit do të kërkojë edhe para për të lënë të lirë mbrojtësin, teksa mosha e Modriçit nuk premton edhe shumë vite në nivel të lartë.
Mbetet të shihet se çfarë do të ndodhë në merkaton e verës që vjen, pasi Reali do kërkojë të rinovojë mesfushën e vetë, duke larguar disa lojtarë.
