Trajneri i Liverpool, Jurgen Klopp, ka vendosur të mos i festojë më golat e shënuara nga skuadra e tij.
Klopp këtë vendim e ka marrë nisur nga aplikimi i teknologjisë VAR, e cila shpeshherë ka ndalë në gjysmë festimin e golit.
Një gjë e tillë ndodhi edhe në ndeshjen kundër Watford, kur u anulua goli i Sadio Mane.
“Të jem i sinqertë nuk ia kam idenë se ku ishte pozicioni jashtë loje. Nuk i festoj golat më sepse duhet të presësh derisa dikush konfirmon se është gol” ka thënë Klopp.
“Nuk mendoj se ishte pozicion jashtë loje tek goli i Sadio. Nuk mund ta shihja. Por, nuk kam parë ripërsëritjen, kështu që nuk kam ndonjë ide” shtoi gjermani.
