Një lajm i bujshëm është duke qarkulluar në mediat turke. Bëhet fjalë për futbollistin e Partizanit, Erlad Çinari. Sipas “egedesonsoz.com”, për futbollistin shkodran ka një interesim nga skuadra e Menemenspor, e cila kërkon të sigurojë shërbimet e sulmuesit të kuq.
Kujtojmë që Menemenspor militon në ligën e dytë turke, teksa pjesë e kësaj skuadre është edhe portieri i Kombëtares, Gentjan Selmani.
Largimi i Çinarit, do të krijonte boshllëqe në ofensivën e Partizanit, pasi kujtojmë që disa ditë më para, u largua drejt AIK-ut edhe Jasir Asani. Gjithsesi nuk ka asgjë konkrete për sa i përket interesimit të Menemensport për Çinarin. Pritet me mjaft interes se çfarë do të ndodhë në ditët në vazhdim.
