Fabio Borini do të largohet nga Milani në merkaton e janarit dhe duket se do të ketë një derbi për shërbimet e tij.
Siç raporton “Corriere Della Sera”, Xhenoa dhe Sampdoria janë vënë në ndjekje të tij. 28-vjeçari, i cili është pjesë e Milanit, dy sezonet e fundit, do të largohet përfundimisht nga “Djalli” dhe Xhenoa duket më e avantazhuar për të firmosur me lojtarin.
Këtë sezon Borini ka luajtur vetëm dy ndeshje çka tregon qartë që lojtari nuk është aspak në planet e trajnerit Pioli.
Mbetet të shihet tashmë se cila nga dy skuadrat, do të arrijë të transferojë lojtarin italian.
