Interi po bën një merkato shumë specifike dhe po lufton që të arrijë nivelin e Juventusit. Emri i ri që po kërkohet me ngulm nga zikaltrit është Tahith Chong. Sulmuesi holandez është një nga lojtarët më premtues të skuadrës së Manchester United, por nuk do të rinovojë me “Djajtë e kuq”.
Ai pritet të dalë i lirë në verë dhe Juventusi e ka kërkuar i pari, por zikaltrit janë hedhur në aksion. Ata po insistojnë më shumë se sa kampionët e Italisë, madje kanë nisur kontaktet me agjentët e lojtarit. Interi u ka kërkuar një takim tjetër për të qartësuar dhe detajet e fundit. Marrëveshja duket shumë pranë.
