Pothuajse të gjitha ekipet e NBA-së kanë zbritur sot në fushë, teksa janë luajtur 14 nga 15 ndeshjet e mundshme. Boston triumfoi 139-107 ndaj Lakers, një nga ndeshjet më të dobta të ekipit kalifornian këtë sezon edhe pse luajtën të gjithë titullarët (McGee 18 pikë shënuesi më i mirë). Për Boston u dalluan Tatum me 27 pikë si dhe Broën e Walker me nga 20 pikë secili.
Humbet edhe skuadra e Houston (e katërta radhazi), që u mund 112-107 nga Oklahoma. Edhe pse Houston u shkëput deri në 17 pikë (Westbrook realizoi një triple double me 32 pikë, 11 rebound e 12 asist e Harden 29 pikë), kjo nuk mjaftoi. Për Oklahomën u dalluan Chris Paul me 28 pikë e Gallinari me 25 pikë e 13 rebound.
Në Lindje vazhdon të dominojë skuadra e Milwaukee, më e mira aktualisht në NBA. Bucks fituan 111-98 ndaj Chicago, me të zakonshmin Antetokounmpo që realizoi një “triple double” (28 pikë, 14 rebolund e 10 asist). Fiton edhe Utah Jazz, forca e dytë në Perëndim, që mundin 118-88 Indiana (Mitchell 25 pikë), ndërsa kampionët e Toronto mundën 122-117 Atlanta (Powell 27 pikë).
NBA – Rezultatet e sotme
Washington – Detroit, 106-100
Atlanta – Toronto, 117-122
Brooklyn – Philadelphia, 111-117
Charlotte – Indiana, 83-106
Cleveland – New York, 86-106
Houston – Oklahoma, 107-112
Memphis – New Orleans, 116-126
Miami – Sacramento, 118-113
Milwaukee – Chicago, 111-98
Boston – Lakers, 139-107
Minnesota – Denver, 100-107
Phoenix – San Antonio, 118-120
Utah Jazz – Indiana, 118-88
Portland – Golden State, 129-124