Koronavirusi përveçse në Kinë, ka shkaktuar një panik shumë të madh në të gjithë botën.
Ditën e sotme u luajt ndeshja mes Bërnmuthit dhe Aston Vilës, e cila u fitua nga vendasit me rezultatin 2-1. Megjithatë ajo që ka tërhequr vëmendjen e të gjithëve, nuk ishte rezultati, por diçka tjetër.
Në pjesën e parë të takimit, kamerat kanë fokusuar dy persona, të cilët mbanin maska në stadium. Pikërisht kjo u lidh menjëherë me koronavirusin, i cili është më i përfoluri kohët e fundit.
Të shumtë ishin atë që thanë se dy personat e fokusuar ishin zyrtarë të Bërnmuthit, por është zbuluar më vonë se ata ishin shitës të biletave, ndërkohë që maskat i kishin vënë në formën e shakasë.
