Rangers luajten në transfertë kundër Johnstone për javën e 28 të kampionatit skocez. Skuadra e Stiven Gerrard po humbiste me rezultatin 1-0 përpara se në fushë të zbriste Kamberi. Sulmuesi i kombëtares sonë ka hyrë në lojë që nga nisja e pjesës së dytë dhe ka shpërblyer besimin e trajnerit në minutën e 50, duke shënuar dhe barazuar rezultatin.
Kamberi ka marrë një top të gjatë nga e djathta, me sferën që është përplasur fillimisht në tokë e më pas ka përfunduar në këmbët e tij. Sulmuesi nuk është menduar aspak dhe ka goditur fluturimthi, duke shënuar një gol të spektakolar.
Ndeshja është përmbysur nga Ranger dhe në këto momente po fitojnë me rezultatin 2-1.
