Coronavirusi ka bllokuar thuajse çdo vend në Evropë dhe për futboll normalisht që nuk mund të flitet më. Shumica e kampionateve janë të pezulluara deri në fillim të muajit prill, kur edhe do të vlerësohet përsëri situata.
Kështu, edhe ndeshjet e Kombëtareve, të programuara për në fund të muajit mars, sipas gjasave do të anulohen. Spanjë-Gjermani është një nga miqësoret e luksit, që do të luhej me 26 mars në Madrid.
Kjo miqësore, sipas raportimeve të fundit, nuk do të luhet. Shumë shpejt pritet që dy federatat të dalin në komunikata zyrtare që ndeshja nuk do të zhvillohet për shkak të rrezikut nga Coronavirus.
