“Pse kam dalë nga shtëpia? Nuk isha në dijeni të rregullave. E di që është e vështirë të besohet, por është e vërtetë. Në Spanjë dhe Italli, kushdo që është në karantinë mund të dalë dhe të derdhë plehrat, të shkojë në farmaci ose në një dyqan”.
Këto kanë qenë fjalët e yllit të Real-it, Luka Jovic, për portalin Objetik, ku ka treguar të vërtetën e tij në lidhje me akuzën se ka injoruar në Beograd masat e izolimit të vëna nga autoritetet serbe për pandeminë Covid-19.
“Nuk e dija se çfarë duhet të bëja gjatë vetë-izolimit, domethënë nëse mund të dilja në kushte të caktuara. Dhe natyrisht jam gati të pranoj të gjitha pasojat e veprimeve të mia”, ka thënë Jovic.
