Vijon të përkeqësohet situata në Itali prej Coronavirusit. COVID-19 ka prekur edhe futbollin, ku një ndër ekipet e prekura është Juventusi. Pas Ruganit dhe Matuidi, tashmë del pozitiv edhe Paulo Dybala.
Argjentinasi e ka konfirmuar vetë këtë herë lajmin dhe ka njoftuar se përveç tij, edhe partnerja e tij Oriana ka dalë pozitive. Pavarëisht kësaj, të dy janë mirë fatmirësisht.
“Përshëndetje të gjithëve, thjesht dua t’ju informoj se kemi marrë rezultatet për testin Covid-19 dhe si Oriana (partnerja) ashtu dhe unë kemi testuar pozitivë. Për fat të mirë jemi në kushte perfekte. Faleminderit për mesazhet tuaja”, shkruan Dybala.
Hola a todos, quería comunicarles que acabamos de recibir los resultados del test del Covid-19 y tanto Oriana como yo dimos positivo. Por fortuna nos encontramos en perfecto estado. Gracias por sus mensajes y un saludo a todos 💪🏼💪🏼💪🏼 pic.twitter.com/g1X1Qtx2S3
— Paulo Dybala (@PauDybala_JR) March 21, 2020
