Rinovime dhe konfirmime. Brezi i lojtarëve të Europianit kanë sezonin e tyre të pjekurisë sportive dhe po justifikojnë besimin e skuadrave respektive. Në Kombëtare vijnë me formë, gola të shënuar si dhe eksperiencën e nevojshme për të ecur përpara në kompeticionet e ndryshme, fushata kualifikuese dhe Ligën e Kombeve.
Nga ana tjetër, trajneri Reja vijon me fushatën e testimit dhe rinovimit të skuadrës. Të rinj si Kumbulla dhe Broja janë duke u imponuar me formën e tyre për të qenë pjesë e së ardhmes së afërt të Kombëtares.
Gjithashtu Endri Çekiçi apo edhe Lindon Selahi. Këtë herë, cilësinë dhe luksin e shton edhe prania e një lojtari të Barcelonës. Manaj vjen për herë të parë si i tillë në Kombëtare. “Panorama Sport” servir të paktën katër formacione alternativash për Kombëtaren. Me kohën, do të vijnë të tjera mundësi…
