Legjenda e Real Madrid, Roberto Carlos, ka zbuluar se ka qenë shumë afër transferimit te Chelsea në vitin 2007-të.
“Kishim arritur një marrëveshje me Chelsea-n, por ishte një klauzolë në kontratë që ata donin ta përfshinin me çdo kusht, por unë nuk doja”, ka thënë Roberto Carlos për FourFourTwo.
“Kjo është arsyeja e vetme që nuk shkova në Angli”.
“Duhej të luaja një numër të caktuar ndeshjesh radhazi për të siguruar një zgjatje të kontratës. Ishin 12-15 ndeshje, por nuk isha më i ri dhe isha i shqetësuar për ndonjë dëmtim që nuk do të më lejonte të arrija numrin e caktuar të ndeshjeve”.
“Megjithatë, jam ndier shumë mirë për interesimin e Chelsea-t. Kam takuar Roman Abramovich, kemi zhvilluar një bisedë të sinqertë.”
