Katër vite e një ditë pas emërimit zyrtar të grupit “Suning” si pronar i maxhorancës së aksioneve të Interit, portali “Calcio&Finanza” ka propozuar një prospekt të investimeve të kryera nga kolosi i Nankinit për formacionin zikaltër.
Investime këto që e kanë kaluar gjatë këtyre viteve kuotën 600 milionë: duke konsideruar vetëm derdhjet mes financimeve dhe arkëtimeve nga sponsorizimet (të dhëna të pjesshme për periudhën 2019-2020), në fakt, grupi kinez ka investuar 625 milionë.
