Mund të ishte Kreshnik Bajramaj arbitri më i mirë i javës, pasi gjykoi kryendeshjen Tirana-Kukësi 1-2, por ajo penallti e padhënë për bardheblutë në pjesën e parë, ia zbeh disi performancën pozitive që bëri kryesori nga Kolegjiumi i Tiranës.
Duke pasur parasysh rastet në total, më i sakti në pesë ndeshjet e luajtura këtë javë ka qenë Ardian Beqiri, i cili gjykoi Laçi-Flamurtari 2-1.
Në këtë takim pati disa raste për moviolë, por arbitri i menaxhoi më së miri të gjitha momentet e diskutueshme, qoftë te penalltia për kurbinasit, apo edhe kartoni i kuq për lojtarin brazilian të Flamurtarit, Indio Oliveira.
Një performancë mjaft të mirë bëri edhe Klajdi Kola në Bylisi-Partizani 1-1.
