E vendosur nga CAS (Gjykata e Arbitrazhit Sportiv) dhe i ripranuar në Evropë, Manchester City është i gatshëm t’i ofrojë Pep Guardiola një mega kontratë për të qëndruar në stol edhe për shumë vite.
Tani që City e di se mund të luajë përsëri Ligën e Kampionëve vitin e ardhshëm, pasi skualifikimi është anuluar, i gjithë programi i klubit deri tani i imagjinuar me një ulje buxheti, përmbyset përsëri.
Objektivi mbetet madhor, ashtu si “steka e lartë”. Gjithçka fillon përsëri nga tekniku katalanas, të cilit, sipas mediave britanike, do t’i ofrohen 150 milion euro.
Kështu, edhe merkato do të jetë e mbuluar me flori me objektiva “big” si mbrojtësi i Napolit, Kalidou Koulibaly (29 vjeç), por edhe Lautaro Martinez i Interit, pasi Barcelona duket e pafuqishme për të paguar më shumë se 100 milionë euro, ashtu sikurse duhet thënë se objektivi i vërtetë i Bartomeut është rikthimi i Neymar në “Camp Nou”.
