Lionel Messi do të rikthehet në Barcelonë, madje do të bëjë stërvitje nën urdhrat e trajnerit të ri Ronald Koeman. Holandezi do të drejtojë për herë të parë argjentinasin në stërvitje, por kjo nuk do të thotë se “Pleshti” ka ndryshuar mendim për qëndrimin e tij në Spanjë.
Gjashtë herë fituesi i Topit të Artë do të shkojë të paraqitet të dielën në klub ku do të kryejë testin e COVID-19. Argjentinasi me shumë mundësi do të stërvitet me grupin ditën e hënë.
Kapiteni nuk do probleme me klubin dhe po mundohet që të jetë rigoroz. 33-vjeçari nuk do që të përfundojë në gjyq me klubin e tij. Messi dëshiron një largim pa probleme dhe të mos largohet keq.
