Sandro Tonali pritet të kompletojë kalimin e tij tek Milani javën tjetër, pasi Interi u tërhoq nga shërbimet e mesfushorit. Zikaltërit kishin një marrëveshje me Breshian për talentin Italian, por papritur u tërhoqën pasi Konte tashmë kërkon Vidalin.
Milani menjëherë u hodh në sulm për Tonalin, me Maldinin që arriti marrëveshje personale me lojtarin dhe tani pritet të arrihet marrëveshja me Breshian. Kuqezinjtë pritet ta marrin mesfushorin e talentuar në huazim ku do paguajnë 10 milionë euro, dhe më pas 25 milionë euro të tjera nëse vendosin ta blejnë pas huazimit. Milani do përfshijë edhe një bonus prej 3 milionë eurosh, dhe i gjithë operacioni mund ti kushtojë kuqezinjëve 38 milionë euro.
“Calciomercato.com” zbulon se një takim është programuar për javën tjetër mes Maldinit dhe Breshias për të mbylluar edhe detajet e fundit të transferimit. Milani i ka përgatitur një kontratë 5-vjeçare, me Tonalin që do përfitojë 2 milionë euro në sezon.
