Toni Kros ka inkurajuar Leo Mesin të largohet nga Barcelona. Mesfushori i Real Madridit madje i ka sugjeruar argjentinasit edhe ekipin e ri, pikërisht Mançester Sitin.
Në një prononcim për podkastin “Einfach mal Luppen”, Kros tha: “Largimi i Mesit nga Barcelona, do të thotë që Barcelona do humbasë një armë. Nuk mendoj se Mesi do vijë tek Real Madridi. Nëse lojtarë të tillë luajnë për kundërshtarët, nuk i cilësojmë të këqija këto largime”.
Më pas ndër të tjera, mesfushori gjerman mendon se opsioni më i mirë për Mesin është ribashkimi me Guardiolën tek Mançester Siti. Kros e cilëson Mesin si një ndër lojtarët më të mirë në botë, por pas Ronaldos.
