Talenti me origjinë shqiptare, Mërgim Berisha, gjeti rrugën e rrjetës me Kombëtaren U-21 të Gjermanisë në përballjen ndaj Moldavisë që përfundoi me rezultatin 4-1 në favor të “pancerva”.
Sulmuesi i datëlindjes 98’ e nisi ndeshjen si titullar, teksa në minutën e 10-të, pas një topi të futur bukur nga e majta, në afërsi të pikës së penalltisë, ka gjuajtur saktë, duke kaluar në avantazh gjermanët.
Berisha është pjesë e Salcburgut në Austri, teksa në sezonin e shkuar u aktivizua 8 ndeshje në kampionat me skuadrën austriake ku realizoi edhe 1 gol.
