Premier League ka ndërprerë në mënyrë të menjëhershme kontratën me PPTV, televizioni kinez i Suning.
Kampionati anglez e ka bërë të ditur me një komunikatë zyrtare, duke lajmëruar se ka prishur marrëveshjet me licencuesin për të drejtat në Kinë, duke i dhënë fund kështu një kontrate të vlefshme deri në vitin 2022 prej pothuajse 500 milionë sterlinash.
Arsyeja bazohet te kësti prej 160 milionë sterlinash (pothuajse 180 milionë euro) që në muajin e marsit, në momentin e shqetësimit më të madh për pasojat e pandemisë, PPTV ka vendosur të mos e paguajë.
