Futbollisti i Shqipërisë Armando Vajushi shënoi sot golin e parë në sezonin e ri të kategorisë së dytë të futbollit rumun. 28-vjeçari realizoi një nga katër golat në sfidën e javës së dytë kundër CSM Resitas.
Në minutën e 51-të të sfidës, shkodrani shkëmbeu pasim me shokun e skuadrës dhe doli në krahun e majtë duke mposhtur lehtësisht portierin rival.
Ish-futbollisti i Vllaznisë, Teutës dhe Liteksit pret të japë më të mirën këtë sezon me Petrolulin.
Vajushi ka luajtur 6 ndeshje me Shqipërinë duke realizuar një gol në miqësoren kundër San Marinos në 8 qershor 2014. Ai u grumbullua për herë të fundit me kombëtaren në miqësoren e 18 nëntorit 2014 kundër Italisë.
